Landslagsannáll 2010

Árið 2010 var viðburðaríkt og gefandi í strembnu árferði. Auk daglegra starfa sendum við verk á sýningar, sinntum samfélagsverkum og fluttum erindi. Heiður var sýndur með veitingu fálkaorðu til handa Reyni Vilhjálmssyni fyrir frumherjastörf.
Hönnun norrænnar sýningar landslagsarkitekta „New Nordic Landscapes“ í Shanghai hélt áfram með Hellisheiðarvirkjun sem framlag Íslands og Landslags. Sýningin stóð sumarið og gerð skil í fyrirlestri í Norræna húsinu. Verk okkar voru valin á „ManMade Environment“ norræna farandsýningu sem opnaði í Osló og kemur til Íslands 2011. Snjóflóðavarnir á Siglufirði fóru á „Nordic Models + Common Ground“ í New York og á „Íslensk samtímahönnun“ sem ferðast frá Íslandi um Danmörku, Kína og Svíþjóð.
Haldið var á ný mið og vel bar í veiði við Noreg en samkeppni vannst um „Flerbrukshall“ í skerjagarðinum við Bergen með arkitektum Batteríisins og Cubus í Bergen og fer í hönnun 2011.
Við þökkum samstarfsaðilum og verkkaupum gefandi samstarf og trúum á bjartari tíð og samleið með ykkur í að bæta umhverfi og mannlíf.
Starfsfólk Landslags óskar ykkur gleðilegra jóla og farsældar á komandi ári.
Hér til hliðar eru dæmi um viðfangsefni okkar á líðandi ári.