• Vífilsstaðaland – Samkeppni um rammaskipulag

    22. desember, 2017

    Förum glöð inn í jólahátíðina með 1. verðlaun í samkeppni um rammaskipulag Vífilsstaðalands í Garðabæ. Tillagan var unnin í samstarfi við Batteríið arkitektar og EFLA.

    Hlökkum til að útfæra nánar í ramma- og deiliskipulagi í samráði við alla hagsmunaaðila á svæðinu

  • Nýr Skerjafjörður

    31. október, 2017

    Tillaga Ask arkitekta, Eflu og Landslags um framtíðaruppbyggingu í Nýja Skerjafirði var hlutskörpust í hugmyndaleit um tillögur að byggð á svæðinu.

  • Tilnefning til hönnunarverðlauna Íslands 2017

    30. október, 2017

    Tröppustígur við Saxhól hefur verið tilnefndur til hönnunarverðlauna Íslands en þau verða veitt þann 9. nóvember næstkomandi.

  • Tilnefning til norrænna verðlauna í arkitektúr

    26. október, 2017

    Tröppustígur upp á Saxhól í Þjóðgarðinum Snæfellsjökli er tilnefndur til norrænna verðlauna í arkitektúr. Verðlaunin verða veitt í tengslum við Nordic Architecture Fair 2017 ráðstefnuna í Gautaborg 7. og 8. nóvember. Alls voru 134 verk send inn í keppnina en einungis átta tilnefnd.

  • Tilnefning til menningarverðlauna DV

    04. mars, 2017

    Áningnarstaður við Saxhól í Þjóðgarðinum Snæfellsjökli var á dögunum tilnefndur til menningarverðlauna DV á sviði arkítektúrs.

  • Lyngássvæði í Garðabæ.

    29. júní, 2016

    1. verðlaun í samkeppni um rammaskipulag fyrir Lyngássvæði í Garðabæ.

    Markmið skipulagsins er að skapa heildstætt umhverfi fjölbreyttrar byggðar þar sem sérstök áhersla er lögð á þarfir ungra fjölskyldna: Lækkun útgjalda heimilanna td. samgöngukostnað. Bættar tengingar milli hverfa, bætt aðgengi að skólum, útivistarsvæðum, verslun og þjónustu. Hagkvæmt húsnæði sem mætir þörfum ungra fjölskyldna

  • Elliðahöfn við Ártúnshöfða

    11. nóvember, 2015

    Vistvænt borgarhverfi með fólk í fyrirrúmi

    Tillaga Landslags, Arkís og Verkís í samstarfi við Dr. Bjarna Reynarsson hlaut 1. verðlaun í samkeppni um rammaskipulag Elliðaárvogs og Ártúnshöfða. Tillagan byggir á náttúrufarslegum einkennum svæðisins, og leitast við að skapa sterkan staðaranda. Einnig er lögð áhersla á lýðheilsu, sjálfbærni og vistvæna hugsun.

  • Skipulag Öskjuhlíðar

    25. október, 2013

    Landslag hlaut fyrstu verðlaun í hugmyndasamkeppni um skipulag Öskjuhlíðar.

    Í niðurstöðu dómnefndar segir að tillagan sé metnaðarfull með skýrri hugmynd þar sem geislar út frá Perlunni tengja hana við Öskjuhlíðina og nærumhverfið, þannig að svæðið verði öruggara og aðgengilegra öllum.

  • Hörputorg verðlaunað

    28. október, 2011

    Torgið við Hörpu hlaut verðlaun sem besta norræna almenningsrýmið á Arkitekturmässan í Gautaborg 24. október. Það er mikill heiður þegar horft er til annarra tilnefndra verka og höfunda þeirra. Þráinn Hauksson landslagsarkitekt hjá Landslagi ehf veitti verðlaunum viðtöku fyrir hönd hönnunarteymisins. Norskar teiknistofur unnu tvenn verðlaun, Snöhetta arkitektar fyrir Reindeer Pavillion sem „besta norræna byggingin“ og Dahl og Uhre arkitektar fyrir „besta norræna bæjarskipulagið“ í Nuuk á Grænlandi.

  • RONG FLERBRUKSHALL

    24. júní, 2010

    Batteríið arkitektar og Landslag í samstarfi við Arkitektgruppen Cubus unnu lokaða samkeppni um Flerbrukshall í Rong í Öygarden kommune í skerjagarðinum fyrir utan Bergen.